Ўзбекистон Республикаси Президенти сайлови Қорақалпоғистон Республикасида ҳам кўтаринки кайфиятда, байрамона давом этмоқда.

Оролбўйи аҳолисининг бугунги муҳим жараёндаги фаоллиги эрталабдан бошланди. Айниқса, эртанги келажаги учун бефарқ бўлмаган қорақалпоғистонлик ёшлар муҳим сиёсий жараёнда ҳар қачонгидан ҳам фаол иштирок этмоқда.

Ёшлар ишлари агентлиги Қорақалпоғистон Республикаси бошқармаси бошлиғи, Сенатор Абат Данияров оила аъзолари билан биргаликда Нукус шаҳридаги 15-сайлов участкасида овоз берди.

– Бугунги муҳим сиёсий жараёнда ёшларимиз ўзи танлаган номзодига овоз берар экан, ўзларининг келажагини яратмоқдалар, – дейди Сенатор Абат Данияров. – Энг қувонарлиси, ёшларнинг сайловдаги фаол иштироки. Бундан кўриниб турибдики ёшларимиз юрт равнақига бефарқ эмас.

Довуд Абибуллаев, Мақсад Ҳабибуллаев (сурат), ЎзА