Ёш теннисчимиз халқаро турнир ғолиби
Тожикистоннинг Душанбе шаҳрида теннис бўйича ўсмирлар ўртасида ўтказилган J30 мусобақасида ҳамюртимиз Элнура Болтабоева жуфтлик баҳсларида бош совринни қўлга киритди.
Теннисчи қизимиз жуфтликлар орасида қозоғистонлик Алуа Марат билан тандемда дастлаб туркманистонлик Илина Гусейнова ҳамда эронлик Ҳана Шабанроурни, чорак финалда нейтрал теннисчилар Кристина Камолова ва Милана Харламовани, ярим финалда эса бошқа бир нейтрал мақомдаги теннисчилар Милана Милиаченко ва Александра Талинани мағлубиятга учратиб, финалга чиқди.
Элнура ва Алуа дуэти сўнгги ҳал қилувчи финал учрашувида қозоғистонлик Сафина Сафиулина ва нейтрал теннисчи Виктория Егорова билан баҳс олиб борди ва 7:6, 6:3 ҳисобида ғалаба қозонган ҳолда мусобақа ғолибига айланди.
Жавоҳир Тошхўжаев,
ЎзА