2024 йил – Ёшлар ва бизнесни қўллаб-қувватлаш йили
Бухоролик Гулсевар Найимова – ёш истеъдод соҳибаларидан.
Гулсевар болалигидан бувиси билан қўшиқлар хиргойи қилиб, санъатга меҳри тушган. Ушбу меҳр уни 2018 йилда Бухоро шаҳридаги 13-болалар мусиқа ва санъат мактабига етаклаб борди. Бу ерда у устози Турсун Остонов кўмагида анъанавий хонандалик йўналишида мусиқа ва санъат сирларини ўрганишни бошлади.
[gallery-15427]
Таҳсил давомида Гулсевар туман, вилоят, республика ва халқаро миқёсдаги қатор танловларда муваффақиятли иштирок этиб, санъат аҳли эътирофига сазовор бўлди.
2023 йилда ёш истеъдод соҳибаси Бухоро шаҳридаги Абдурауф Фитрат номидаги Бухоро мақом санъатига ихтисослашган мактаб интернатига ўқишга қабул қилинди. Мактабнинг маҳоратли ўқитувчиларидан бири Толибжон Темировдан мақом сирларини ўрганиб келмоқда. Айни пайтда қаҳрамонимиз “Навоийга эҳтиром” мақом ғазаллар гулдастаси номли репертуари устида изланиш олиб бормоқда.
Тоҳир ИСТАТОВ(сурат),ЎзА