Республикамиздаги умумтаълим масканларида "Яшил макон" умуммиллий лойиҳаси доирасида "Яшил мактаб" акцияси ўтказилмоқда.
Табиатни асраш, атроф-муҳитни покиза тутиш башарият учун ҳаёт-мамот масаласи, келажак авлод олдидаги долзарб мажбуриятдир. Юртимиз бўйлаб ташкил этилаётган яшил ҳудудлар, обод этилаётган манзиллар эса ана шу мақсад йўлидаги эзгу ташаббусларнинг амалий ифодасидир.
Айниқса, "Яшил макон" доирасида ўтказилаётган "Яшил мактаб" акцияси эътиборга молик. Тошкент шаҳар Юнусобод туманида жойлашган 246-умумтаълим мактабида ҳам "Яшиллойиҳа" лойиҳалаш институти давлат муассасаси билан ҳамкорликда мазкур акция ўтказилди.
Тадбир давомида сирень, ясен, клён, каби манзарали дарахтлар, шунингдек, сирия гули каби гулли бута ўсимликлари экилди.
Акциянинг энг муҳим қисмларидан бири — "Дарахт – ҳаёт манбаи" мавзусидаги амалий экология дарси бўлди. Ушбу машғулотни "Яшил лойиҳа" лойиҳалаш институти мутахассиси Э. Давронов олиб борди.
Шу билан бирга, Яшил ҳудуд, бино-иншоотларни лойиҳалаштириш бошқармаси Лойиҳа-қидирув бўлими бошлиғи С. Холбўтаев раҳбарлигида ўқувчилар билан машғулотлар ташкил этилди. Улар "Билим маскани боғи"ни яратишда иштирок этиб, тупроқ тайёрлаш, кўчат экиш ва уларни парваришлаш бўйича зарурий кўникмаларга эга бўлди.
<iframe width="640" height="420" src="https://www.youtube.com/embed/DsFe4sJbE9k" title=""Yashil makon" doirasida "Yashil maktab" aksiyasi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Муҳайё Тошқораева, ЎзА