Кўкламнинг илк нафаси Жиззах вилоятида яшил муҳитни кенгайтириш ва аҳоли учун қулай дам олиш масканлари яратишда янги имкониятлар очди. “Яшил макон” лойиҳаси доирасида воҳанинг Ғаллаорол ва Зафаробод туманларида барпо этилаётган боғ ва кўкаламзорлаштириш ишлари нафақат ҳудудни обод қилади, балки экологик барқарорликни мустаҳкамлайди.

Жиззах вилоятидаги маҳалла ва қишлоқ фуқаролар йиғиниларида “Яшил макон” умуммиллий лойиҳаси алоҳида эътибор билан амалга оширилмоқда. Бу ташаббус аҳолига нафақат дам олиш учун замонавий муҳит яратиш, балки яшил ҳудудлар майдонини кенгайтириш мақсадини кўзда тутади.

Ғаллаорол туманининг Мирзабулоқ маҳалласида барпо этилаётган “Истироҳат боғи” ҳудудида кенг кўламли ободонлаштириш ишлари жадал суръатларда олиб борилмоқда. Манзарали ва мевали дарахт кўчатлари экилиб, боғ ҳудуди янада кўркамлаштирилмоқда, аҳоли учун файзли дам олиш масканига айлантирилмоқда.

Шу билан бирга, Зафаробод туманида ҳам шу лойиҳанинг амалга оширилиши кенг кўламда ташкил этилмоқда. Туман ободонлаштириш бошқармаси ҳудудларни кўкаламзорлаштириш, экологик ҳолатни яхшилаш ва аҳоли учун қулай муҳит яратиш мақсадида турли хил мевали ва манзарали дарахт кўчатларининг жадал суръатларда экилишига бош-қош бўлмоқда.

<iframe width="650" height="420" src="https://www.youtube.com/embed/4hd60-2gff8" title="Yashil hududlar sari muhimi qadam" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

А. Қаюмов, Ж. Ёрбеков (видео, сурат), ЎзА мухбирлари