Ўзбекистон Республикаси Маданият вазирлиги муассислигида чоп этиладиган “Guliston” журналининг янги сони ўзига хос дизайнда чоп этилди.

Ўзбекистон Республикаси Маданият вазирлиги муассислигида чоп этиладиган “Guliston” журналининг янги сони ўзига хос дизайнда чоп этилди.

Хусусан, журналнинг 2019 йил 5-сони “Давлат тили тўғрисида”ги қонуннинг 30 йиллиги юртимизда кенг нишонланганлигига бағишланган мақола билан бошланган.

Шунингдек, журнал саҳифаларида Ўзбекистон Республикаси Марказий сайлов комиссияси раиси Мирзо Улуғбек Абдусаломов билан суҳбат, Навоий вилояти ҳокими Қобил Турсуновнинг вилоятдаги ўзгаришлар хусусидаги мулоҳазалари ҳамда Ўзбекистон халқ артисти Шерали Жўраев ҳақида айтилган ва айтилмаган гаплар ўрин олган.

Жалолиддин Мангубердини биласизми? У қандай жасорат кўрсатган? Термиз археология музейида бўлганмисиз? Шу каби мулоҳазага чорловчи қизиқарли мақолаларни журнал саҳифаларида кузатишингиз мумкин.

Бундан ташқари, шеърият ихлосмандлари учун Ўткир Раҳмат ва Абдулла Шернинг янги ижод намуналари, жаҳон адабиёти дурдоналари мазкур журналдан жой олган.

Маълумот ўрнида айтиш мумкинки, “Guliston” журнали 1925 йилдан чоп этилиб, йилдан-йилга ўз мухлислари сафини кенгайтириб келмоқда.