Термиз шаҳридаги «Сурхон» спорт мажмуасида «Беш ташаббус олимпиадаси» доирасида маҳалла ёшлари ўртасида Б лига 16-21 ёш ҳамда 22-30 ёш тоифасида стритбол бўйича мусобақаларнинг республика босқичи бўлиб ўтди.

Мусобақада ўз ҳудудларида чемпионликни қўлга киритган маҳаллалар ёшларидан иборат жамоалар иштирок этди.  Беллашувларда республика бўйлаб 224 нафар спортчи иштирок этди. 

[gallery-24702]

Якуний натижаларга кўра, 16-21 ёшли хотин-қизлар ўртасида Сурхондарё вилояти жамоаси ғолибликни қўлга киритди. Навоий ва Наманган вилоятлари вакиллари кейинги ўринларга эга чиқди. 22-26 ёшли иштирокчилар ўртасида эса Сурхондарё, Наманган ҳамда Навоий вилоятлари жамоалари пешқадамлик қилди. 

Эркаклар ўртасидаги баҳсларда эса 16-21 ёш тоифасида ҳам 22-30 ёш тоифасида ҳам Сурхондарё вилояти жамоасига омад кулиб боқди. 

 Мусобақа якунида ғолиб ва совриндор жамоаларга ташкилотчилар  томонидан кубок, диплом, медаль ва эсдалик совғалари топширилди.

<iframe width="560" height="315" src="https://www.youtube.com/embed/XpF3fGp8hfM?si=Wo3CSUQI0aDPD_N7" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жонибек ҚЎЗИМУРОДОВ(сурат,видео),ЎзА