Янги бино замонавий жиҳозланди
Пискентда фавқулодда вазиятлар бўлимининг янги биноси фойдаланишга топширилди.
Бинонинг тантанали очилиш маросимида Тошкент вилояти ҳокими вазифасини бажарувчи Зойир Мирзаев, сектор раҳбарлари, Фавқулодда вазиятлар вазирлиги масъуллари, давлат ва жамоат ташкилотлари ҳамда кенг жамоатчилик вакиллари иштирок этди.
Замонавий кўринишда қурилган икки қаватли ушбу бинода 44 нафар ходим учун барча шарт-шароитлар, махсус жиҳозланган хизмат хоналари, мажлислар зали, ошхона ва дам олиш мажмуаси мавжуд.
Шахсий таркибнинг жанговар шайлигини ошириш мақсадида спорт майдонлари ҳам ташкил этилган. Маросимда вилоятнинг олис туманларида жойлашган фавқулодда вазиятлар бўлимлари учун ҳам махсус қутқарув асбоб-анжомлари топширилди.
А. Мусаев, ЎзА.