Яман Қуролли кучлари Қизил денгиз, Араб денгизи, Боб ал-Мандаб бўғози ва Адан кўрфазида Исроилга қарашли ҳар қандай кема ҳаракати тақиқланишини эълон қилди.

“Irna news” ёзишича, ушбу чора орқали Фаластин халқини қўллаб-қувватлаш ва Ғазодаги қамални тугатиш мақсад қилинган.

Аввалроқ Яманнинг Ансоруллоҳ ҳаракати халқаро воситачилар – АҚШ, Қатар ва Мисрни секторга ёрдам етказиб беришни қайта тиклашга ундаш учун тўрт кунлик муддат белгилаган. Акс ҳолда Исроил режимига қарши денгиз амалиёти қайта бошланиши айтилган.