Ватан равнақига муносиб ҳисса – юксак эътироф
Ўзбекистон Республикасит мустақиллигининг 35 йиллиги муносабати билан юртимизда байрам тадбирлари, маънавий-маърифий учрашувлар ва фидойи инсонларни муносиб рағбатлантиришга қаратилган эзгу ташаббуслар кенг қулоч ёймоқда.
Ана шундай тантанали тадбирлардан бири Фарғона вилояти ҳокимлигида бўлиб ўтди. Унда вилоятнинг ижтимоий-иқтисодий, маънавий-маърифий ва жамоат ҳаётида фаол иштирок этиб, юрт тараққиётига муносиб ҳисса қўшиб келаётган бир гуруҳ фарғоналикларга Ўзбекистон Республикаси мустақиллигининг 35 йиллиги муносабати билан таъсис этилган кўкрак нишонлари тантанали равишда топширилди.
Тадбирда таъкидланганидек, мустақиллик – халқимизнинг энг улуғ ва бебаҳо неъмати. Унинг шарофати билан мамлакатимизда инсон қадри, унинг ҳуқуқ ва манфаатларини таъминлаш, иқтисодий салоҳиятни юксалтириш, таълим, илм-фан, маданият ва санъатни ривожлантириш борасида кенг кўламли ишлар амалга оширилмоқда.
[gallery-31086]
Тантанали маросимда ана шундай юртдошларимизнинг меҳнати юксак қадрланаётгани алоҳида қайд этилди. Уларга кўкрак нишонлари топширилиб, самимий табриклар билдирилди.
Зеро, мустақилликнинг қадри уни асраш, унинг имкониятларидан самарали фойдаланиш ва келажак авлод учун янада фаровон, тинч ва тараққий этган Ўзбекистонни барпо этиш йўлидаги амалий ишлар билан намоён бўлади.
Фарғоналикларнинг бугунги ютуқлари, фидокорона меҳнати ва бунёдкорлик интилишлари эса ана шу эзгу мақсадларга муносиб ҳисса бўлиб қўшилмоқда.
<iframe width="650" height="420" src="https://www.youtube.com/embed/p6bugwiaJpU" title="Vatan ravnaqiga munosib hissa — yuksak e’tirof" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Муҳаммаджон Обидов, Элёр Олимов(видео),
Муқимжон Қодиров( сурат),
ЎзА
