Урганч шаҳар аҳолиси орасида соғлом турмуш тарзи тарғиб қилинмоқда
Майдон узра янграб турган миллий куй-қўшиқлар эса иштирокчиларига янада жўшқинлик бахш этди. Кекса отахону онахонлар юртимиз тинч бўлишини тилаб дуо қилдилар.
Жорий йилнинг 12-13 март кунлари президент Шавкат Мирзиёев Хоразм вилоятига қилган ташрифида аҳоли ўртасида, айниқса, кексалар орасида соғлом турмуш тарзини тарғиб этиш борасида аниқ кўрсатмалар берган эди. Ушбу кўрсатмалар бугунги пандемия шароитида ўзининг аҳамиятини яна бир бор намоён этди. Соғлом турмуш тарзи, тўғри овқатланиш қоидаларига амал қилиш ушбу инфекцияни енгишда муҳим ўрин тутиши ўз исботини топди.
Бугун ̶ 23 август куни эрта тонгдан Урганч шаҳридаги «Маърифатчилар» маҳалласи фуқаролари кўтаринки кайфиятда бадантарбия машқларини бажариш учун йиғилдилар. Шаҳар ҳокимининг ташаббуси билан ташкил қилинган ушбу тадбир карантин чекловлари юмшатилган даврдаги илк жараён сифатида барчанинг кўнглини хурсанд қилди. Бадантарбия ва нафас машқларидан сўнг ҳамшаҳарлар карантин қоидаларига амал қилган ҳолда юриш машқларини бажардилар.
Майдон узра янграб турган миллий куй-қўшиқлар эса иштирокчиларига янада жўшқинлик бахш этди. Кекса отахону онахонлар юртимиз тинч бўлишини тилаб дуо қилдилар.
Шаҳар ҳокимининг таклифига кўра, бундай тадбирларни пандемия шароитидан келиб чиқиб, ҳар бир маҳалланинг ўзида мунтазам равишда ўтказиш белгилаб олинди.
Баҳодир ХУДАЙБEРГАНОВ,
Урганч шаҳар ҳокимлиги Ахборот хизмати раҳбари