«Умра-2023» янги мавсуми бошланди
«Умра-2023» янги мавсумининг ўзбекистонлик илк 239 зиёратчиси кеча «Uzbekistan Airways» авиакомпанияси орқали Саудия Арабистонига етиб борган.
Ватандошларимиз Жидда шаҳридаги Подшоҳ Абдулазиз номидаги халқаро аэропортда Бош консулхона ходимлари, ишчи гуруҳ аъзолари ва Саудия ҳамкор компанияси - «Мармара» вакиллари томонидан кутиб олинди.
Зиёратчиларимиз шу куннинг ўзидаёқ автобусларда Мадина шаҳрига кузатилди.
“Умра-2023” билан боғлиқ барча ташкилий масалалар Саудия мутасаддилари билан мувофиқлаштирилмоқда.
Зиёратчиларга Ўзбекистон Умра ва Ҳаж комиссияси томонидан юборилган ишчи гуруҳ аъзолари ва малакали шифокорлар ҳамроҳлик қилмоқда.
ЎзА