Киев энг нохуш сценарий, яъни АҚШ томонидан қўллаб-қувватланиш тўхтаб қолишига тайёрланмоқда, деб ёзди Германияда чиқадиган “Bild” газетаси Украина ҳукуматидаги мулозимга таяниб.

Шунингдек, манба Президент Дональд Трамп тақдим этган тинчлик режасидан ҳафсаласи пир бўлганини билдирган:

– Биз бу Трампнинг музокара тактикаси, деб умид қилгандик, бироқ у Владимир Путинга босим ўтказмайди, ҳеч қандай санкция қўлламайди.

Исмини ошкор этмаган украиналик дипломат нашрга Трамп қўйган шарт Киев учун номақбуллигини билдирган:

– Музокара чоғи қоғозга ёзилган ва нимагадир ишора қилинаётган шартни қабул қилиб бўлмайди. Биз бу даражада таслим бўлмаймиз. Ҳукумат тарафдор бўлса-бўлмаса, халқ бунга қарши чиқади.

Аввалроқ “Wall Street Journal” АҚШ инқирозни ҳал қилиш учун Киевдан имтиёз кутаётгани, жумладан НАТОга қўшилишдан бош тортиш зарурлиги даъво қилингани ҳақида ёзганди.

Шунингдек, Вашингтон Қримни Россияники, деб тан олиши мумкин. Запорожье атом электр станцияси устидан назоратни ҳам АҚШга топшириш таклиф қилинган.

С.Раҳимов, ЎзА