Лойиҳа табиий доривор манбаларни муҳофаза қилишни кўзда тутади. Туркия ҳукумати 86 та компанияга чаёнлар заҳаридан тиббий ва косметик маҳсулотлар ишлаб чиқиш учун расмий лицензия берди. Бу лойиҳа доирасида Андроктонус туркиенсис (заҳари ўта кучли қадимий чаёнлардан бири. "Эркакларни ўлдирувчи" деб ҳам номланади. Ушбу жонзот асосан иқлими қуруқ чўл ҳудудларида учрайди.) каби ноёб чаён турларига алоҳида эътибор қаратилган.

Мутахассислар чаён заҳарини биофармацевтика соҳасида юқори қийматли маҳсулотлар тайёрлашда фойдаланиш мумкинлигини таъкидламоқда. Шанлиурфа, Коня ва Элязиг каби ҳудудларда ихтисослашган фермер хўжаликлари ташкил этилмоқда.

<iframe width="1264" height="711" src="https://www.youtube.com/embed/7HZHYj4XcFk" title="Turkiyada chayonlarni tibbiy maqsadda yetishtirishga ruxsat berildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Шу билан бирга, табиатдан рухсатсиз чаён тўплаш тақиқланган: қонун бузувчиларга 557 минг турк лираси (тахминан 15 минг доллар) миқдорида жарима солинади. Лойиҳа табиий доривор манбаларни муҳофаза қилиш ва экспортбоп маҳсулотлар етиштиришни кўзда тутади.

Мадинабону Насриева, Улуғбек Тўхтаев, ЎзА