Трамп бешта зиддиятни тўхтатгани билан мақтанди
Кеча АҚШ президенти Дональд Трамп сайёрамизда кечган бешта қуролли можарони тўхтатгани билан мақтанди. Бу ҳақда у Шотландиянинг Абердин шаҳрида “Trump International Golf Links” янги голф майдонининг очилиш маросимида айтиб ўтди.
– Маълумки, биз кеча Тайланд ва Камбоджа ўртасидаги можарони тўхтатишга сабабчи бўлдик, - деди у “Sky News” телеканалига берган интервьюсида.
Қўшма Штатлар етакчиси Буюк Британия Бош вазири Кир Стармерга Шотландиядаги учрашув учун миннатдорлик билдирди.
Трампнинг Шотландияга ташрифи 25-29 июль кунлари бўлиб ўтди.
Ташриф чоғида Трамп Тайланд ва Камбоджа ўртасидаги зиддият унинг шахсий аралашувидан сўнг бартараф этилганини айтди. Унинг сўзларига кўра, томонлар ўт очишни тўхтатиш бўйича аллақачон келишиб олган.
С.Раҳимов, ЎзА