Тўрткўл туманига ҳоким тайинланди
Халқ депутатлари Тўрткўл тумани Кенгашининг навбатдан ташқари 9-сессияси бўлиб ўтди.
Унда туман ҳокими лавозимига Худойбергенов Илхомбой Тилавбаевични тайинлаш масаласи кўриб чиқилди. Таклиф этилган номзод туман Кенгаши депутатлари томонидан қўллаб-қувватланди.
Сессияда Худойбергенов Илхомбой Тилавбаевич Тўрткўл тумани ҳокими этиб тайинланди. Таъкидлаш жоизки, И.Худойбергенов меҳнат фаолияти давомида Ички ишлар органларида, шунингдек, Тошкент вилояти ҳокимининг ўринбосари каби масъулиятли лавозимларда самарали фаолият олиб борган.
Сессияда Қорақалпоғистон Республикаси Жўқорғи Кенгеси Раиси Аманбай Оринбаев иштирок этди ва нутқ сўзлади.
Довуд Абибуллаев, ЎзА мухбири.