Бугун "telegram" ижтимоий тармоғининг туғилган куни. Телеграмнинг асосий ютуғи - махфийликка бўлган талабда бўлган. 2013 йил кузда Саудия Арабистони ва Форсий кўрфаз яқинидаги бошқа давлатларда "telegram" ижтимоий тармоғи ҳақидаги гап-сўзлар кўпайди. Шунда таниқли араб блоггери Холид App Store'да янги ажойиб мессенжер пайдо бўлгани ҳақида бир неча постда таъкидлайди.
Телеграмнинг рекламаси унинг маҳфийлигида бўлган. Дуров ҳеч ким уларнинг ёзишмаларини кўра олмаслигини таъкидлаб, фойдаланувчиларда ишончни қайта уйғотади.
2014 йилда "telegram" муносиб равишда Европадаги энг тез ўсиб бораётган стартапга айланди. 2015 йилга келиб "telegram"дан фойдаланувчилар сони 100 миллиондан ошиб кетди.
Телеграмнинг ривожланишида яна бир инсоннинг ҳам ўз хиссаси бор десак муболаға бўлмайди. Эдуард Сноуден собиқ МРБ агенти. У 2013-йилда АҚШдан қочиб Россияга келади ва бошпана сўрайди. Бунга сабаб у ҳукуматнинг одамлар устидан олиб борадиган доимий кузатувларини фош этади. Телеграм шуҳрат топишига ўша пайтдаги аҳвол - махфийликка бўлган талаб сабаб бўлади.
Telegram асосчиси Павел Дуров мессенжер ўн йиллиги муносабати билан нафақат премиум обуначилар, балки барча фойдаланувчилар учун stories босқичма-босқич жорий этилишини маълум қилди. Миллиардернинг сўзларига кўра, бу Telegram учун янги босқичнинг бошланиши бўлади, чунки у хабарлар алмашинуви доирасидан ташқарига чиқади ва умуман ижтимоий тармоқлар инновациясига етакчилик қилади.
Telegram мессенжери фойдаланувчилари бир ой олдин фақат премиум обуна учун пул тўлаганларга жорий қилинган stories форматидан чекловларсиз фойдаланиши мумкин бўлади. Telegram асосчиси Павел Дуров ўз аккаунтида мессенжер ўн йиллиги куни, 14 августда фойдаланувчиларга мурожаат қилиб, "барча учун stories босқичма-босқич жорий этилиши"ни билдирди. Унинг сўзларига кўра, "барча фойдаланувчилар учун stories’ни босқичма-босқич жорий этиш" Telegram тарихидаги янги босқичнинг бошланишини кўрсатади – бунда у хабар алмашишдан доирасидан чиқиб, умуман ижтимоий тармоқларда инновацияларга етакчилик қилиши керак, деб ҳисоблайди.
Telegram асосчисининг айтишича, 10 йил ичида "фақат оғзаки сўз туфайли" 800 миллиондан ортиқ фаол фойдаланувчига эга бўлган. "Йиллар давомида кўплаб янгиланишлар ва яхшиланишлар билан Telegram замонавий хабар алмашиш тажрибаси қандай бўлиши кераклигини қайта белгилаб берди. Ўтган ўн йиллик ҳаяжонли ўтган бўлса-да, кейинги 10 йил Telegram ўзининг ҳақиқий салоҳиятини очиб берадиган вақт бўлади", деб ёзади миллиардер.
Глобал Forbes рўйхатида у 14 август куни 150 ўринни эгаллади. Дуровнинг ўзи Американинг Forbes журналидан уни россиялик миллиардер демасликни сўради. Тадбиркорнинг вакили Дуров Россияни кўп йиллар олдин тарк этгани ва қайтиб келмоқчи эмаслигини айтди. АҚШ Forbes Дуровни Бирлашган Араб Амирлигидан бўлган тадбиркор деб ҳисоблайди: у ушбу мамлакатнинг энг бой тадбиркорлари орасида биринчи ўринни эгаллайди, бу ҳақида Forbes Real-Time рейтинги дарак бермоқда.
Батафсил:
<iframe width="650" height="420" src="https://www.youtube.com/embed/7aZQbQ1K3hs" title="“Telegram" 10 ёшга тўлди" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>М.Турдалиева, А Содиқов ЎзА