ФОТОРЕПОРТАЖ

Шу кунларда мамлакатимизнинг барча ҳудудларида “Жасорат мактаблари”га қабулнинг навбатдаги – иккинчи босқичи бўлиб ўтмоқда.  

Термиз шаҳридаги “Жасорат мактаби”га кириш имтиҳонлари 17-умумтаълим мактабида ташкил этилди.

2-босқич имтиҳонларида номзодлар 5 турдаги жисмоний машқлар асосидаги синовдан ўтиб, 50 баллик тизимда баҳоланади.

[gallery-24424]

Тадбир вилоятнинг барча туман ва шаҳарларида бир вақтнинг ўзида ташкил этилди ва ўқувчилар ўз жасорати, эпчиллиги ҳамда тайёргарлик даражасини амалий тарзда кўрсатди. Жараёнда ота-оналар, педагоглар ва мутасадди ташкилот вакиллари ҳам фаоллик кўрсатди. Жараёнда очиқлик ва шаффофлик тамойили яққол намоён бўлди.

Таъкидлаш керак, “Жасорат мактаблари”га ўқишга кириш учун умумтаълим мактабларининг 4-синфини тугатган 1 минг 500 га яқин ўқувчи ариза топширган. Ушбу мактабларда математика, чақирувга қадар бошланғич тайёргарлик, тарих, жисмоний тарбия, чет тили, физика фанлари чуқурлаштирилган ҳолда ўқитилади.

Жонибек ҚЎЗИМУРОДОВ(сурат),ЎзА