Термиз шаҳридаги Билим ва малакаларни баҳолаш агентлиги вилоят бўлими биносида Президент мактаблари учун имтиҳонларнинг 2-босқичи бўлиб ўтди.

Бу йил Президент мактабига кириш учун имтиҳонларга вилоят бўйича биринчи босқичда умумтаълим мактабларининг 4-синфини тамомлаган 4 минг 439 талабгор қатнашган бўлса, уларнинг 480 нафари ҳал қилувчи навбатдаги босқичда билимини синовдан ўтказиш имконига эга бўлди. Номзодлар 16 гуруҳга бўлинган ҳолда, белгиланган вақт мобайнида тест топшириқларини бажарди.

[gallery-24497]

Иккинчи босқич имтиҳони тест шаклида бўлиб, математика фанидан танқидий фикрлаш ва муаммони ечиш бўйича 40 та топшириқ учун 90 дақиқа, инглиз тили фанидан грамматика ва матн билан ишлаш бўйича 40 та топшириқни бажаришга 40 дақиқа вақт берилди.

Президент мактабларига кириш имтиҳонларининг иккинчи босқич натижалари имтиҳон ўтказилган кундан бошлаб 30 кун ичида “Cambridge” халқаро ташкилоти томонидан эълон қилинади. 

Имтиҳон натижаларига кўра, ҳар бир Президент мактабига 24 нафардан, республика бўйлаб 14 та Президент мактабига 336 нафар ўқувчи ўқишга қабул қилинади.

<iframe width="650" height="420" src="https://www.youtube.com/embed/BwM-XiXq-NI" title="Talabgorlar ikkinchi bosqich imtihonlarini topshirdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жонибек ҚЎЗИМУРОДОВ (сурат ва видео), ЎзА