Сунъий интеллект — матн ёзади, саволларга жавоб беради, ҳатто таҳлил қилади. Бу албатта, ҳар бир фойдаланувчи учун жуда яхши қулайлик. Лекин, бу технология ҳар доим ҳам тўғри жавоб беради дегани эмас.

NewsGuard агентлиги 2025 йилда бир тажриба ўтказди:

Чат-ботларга атайлаб “ер текис”, “эмлаш зарарли” деган каби нотўғри фикрлар асосида ёлғон маълумотлар жойланган.

Натижа эса ҳайратланарли:

- Inflection AI – жавобларнинг 57 фоизи нотўғри

- Perplexity – 47% хато

- ChatGPT – 40% хато жавоб қайтарган

Демак, сунъий интеллектлар ҳам хато қилади.

Мутахассисларнинг айтишича, бунга иккита сабаб бор:

- СИ жавобларини кўпинча интернетдан топади. Интернетда эса ёлғон маълумотлар жуда кўп.

-Чат-бот сизни ранжитмаслик учун, ҳар доим бирор нарса дейишга уринади. Ҳатто нотўғри бўлса ҳам. Натижада, баҳсли мавзуларда ботлар нотўғри ёки асоссиз фикр билдиради.

Яқинда фойдаланувчилар ChatGPTни “ҳаддан ташқари хушомадгўй” деб танқид қилишди. Масалан, кимдир “ҳавони сотиш” деган ғояни айтганда, СИ уни “ижодий бизнес” деб баҳолаган.

Шундан сўнг OpenAI бу янгиланишни қайтариб олди.

Демак, сунъий интеллектдан фойдалансангиз ҳам — ҳар доим танқидий фикрланг. СИ — ёрдамчи, аммо у мутлақ ҳақиқатни ёзади дегани эмас. Сиз эса — фикрловчи инсонсиз. Ёлғон ахборотларга алданманг!

<iframe width="560" height="315" src="https://www.youtube.com/embed/IZZz-k1rT0Q?si=D4mcMboja0-dYyEg" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, Искандар Исматов, ЎзА