Сирдарёда 7 килолик чақалоқ туғилди
Сирдарё туман тиббиёт бирлашмаси акушерлик комплексида унча мунча эмас, нақд етти килолик қизалоқ туғилди.
Туман тиббиёт бирлашмаси бош шифокори Санат Қодировнинг айтишича, чақалоқнинг соғлиғи яхши. Она ва болага шифокор ва ҳамширалар белгиланган тартибда ёрдам кўрсатаяпти. Уларнинг саломатлиги назоратда.
Чақалоқ кесарча кесиш амалиёти орқали олинди.
Муҳими, бу каби чақалоқ, Сирдарё вилоят тарихида биринчи бор туғилиши. Уни дунёга келтирган она, асли Сирдарё туманидан бўлиб, 1998 йилда туғилган. Гигант қизалоқ эса унинг биринчи фарзанди.
ЎзА