Дилбар табиати туфайли Фарғона вилоятининг анклав ҳудудида жойлашган Шоҳимардон қишлоғи «Ўзбекистон Швейцарияси»га қиёсланади.

Шоҳимардон фусункор табиати, зилол сувлари, минг дардга даво наботот олами билан етти иқлимга машҳур бўлиб, денгиз сатҳидан 2500-2700 метр баландликда жойлашган, тўрт тарафи тоғ билан ўралган.

[gallery-5673]

Ҳазрат Али зиёратгоҳида эса руҳингиз таскин топиб, маънан қувват оласиз. Ҳа, бу шундай шукуҳли бир маскан.Маҳаллий аҳоли Шаланг, Хужан ва Қизил тоғ деб атайдиган тоғларга боқиб, ҳавосидан тўйиб нафас олиш жуда мароқли. Айниқса, дилкаш одамлари билан суҳбатлашишнинг гашти бўлакча.

М. Сулаймонов, ЎзА