Шахматчимиз рапид йўналишида жаҳон рейтингида кўтарилди
Ҳамюртимиз Жавоҳир Синдоров Ҳиндистоннинг Бангалор шаҳрида жамоалар ўртасида давом этаётган “Tech Mahindra Global Chess League” турнирида франциялик Алиризо Фирузжа устидан қозонилган ғалабадан сўнг рапид рейтингида дунёнинг 2-рақамли шахматчисига айланди.
Ушбу турнирнинг ортда қолган баҳсларидаги умумий сермаҳсул иштирок Жавоҳир Синдоровга жами +10.6 очко олиб келди. Бу ўз навбатида, унинг жонли рейтинги 2742.6 баллга ортишини таъминлади.
Мазкур кўрсаткич ҳолатида 4 поғонага юқорилаган 19 ёшли гроссмейстеримиз Синдоров Магнус Карлсендан кейин 2-ўринни банд этиб турибди.
Маҳоратли шахматчимиз Нодирбек Абдусатторов ушбу рўйхатда 2704,4 балл билан 13-поғонада қайд этилди.
Т.Рўзиев, ЎзА
