Польшада шахмат бўйича ўтаётган “61st Rubinstein Memorial-2025” турнирининг ортда қолган ўйинларидан кейин ҳамюртимиз Нодирбек Ёқуббоев 5,5 очко билан якка пешқадамга айланиб олди.

Кеча ўтказилган 7-тур баҳсида Ёқуббоев қора доналарда англиялик Майкл Адамсни мағлуб этди.

10 нафар гроссмейстер иштирок этаётган турнирнинг бугун, 23 август куни ўтадиган 8-тур баҳсида Нодирбек 3-ўринда бораётган польшалик Матеуш Бартел билан куч синашади.

Турнирда 2-ўринда бораётган Давид Навара (Чехия) 8-турда 3 очко билан 8-қаторда ҳаракатланаётган Аравинд Читамбарам (Ҳиндистон) билан рўбарў келади.

Турнирнинг сўнгги 9-тур ўйинлари эртага, 24 август куни ташкил этилади.

Тўлқин Рўзиев,

ЎзА