Руминия пойтахти Бухарест шаҳрида мукофот жамғармаси 350 минг АҚШ долларидан иборат «Superbet Chess Classic Romania» турнирининг 2-турида Нодирбек Абдусатторов Франция шарафини ҳимоя қилаётган Алирезо Фирузжага имкониятни бой бериб қўйди.

Ортда қолган 2-турдаги Фабиано Каруана – Уэсли Со, Богдан-Даньел Дяк – Аниш Гири, Ян Непомняший – Доммаражу Гукеш, Рамешбабу Праггнанандҳа – Максим Вашье Лагрев «дуэл»лари эса дуранг натижа билан якунланди.

Бугун, 28 июнь куни нуфузли турнирнинг 3-турида Нодирбек Абдусатторов оқ доналарда америкалик Фабиано Каруана билан куч синашади. Шунингдек, ушбу турда Максим Ваше Лагрев – Алиризо Фирузжа, Доммаражу Гукеш – Рамешбабу Праггнанандҳа, Аниш Гири- Ян Непомняший, Уэсли Со – Богдан-Даньел Дяк қарама-қаршилигидаги ўйинлар бўлиб ўтади.

Эслатиб ўтамиз, 5 июлгача давом этадиган турнирда ғолибликка эришган шахматчи 100 минг АҚШ доллари билан тақдирланади.

Т. Рўзиев, ЎзА