Германияда ўтаётган XXXII Бутунжаҳон ёзги Универсиада ўйинларида енгил атлетикачимиз Шарифа Давронова олтин медални қўлга киритди.

Бугун енгил атлетика спорт турида аёллар ўртасида уч ҳатлаб сакраш бўйича ўтказилган финал баҳсларида енгил атлетикачимиз Шарифа Давронова иккинчи уринишда барча иштирокчилар орасида энг юқори 14,33 м. натижа кўрсатиб, мусобақа ғолиби бўлди.

Эслатиб ўтамиз, Ўзбекистон спорт делегациясининг медаллар сони 4 та олтин, 4 та кумуш, 7 та бронзани ташкил этмоқда.

Жавоҳир Тошхўжаев, ЎзА