Гулистон давлат университетининг талабалар хиёбонида Сирдарё вилояти ҳокими вазифасини бажарувчи Акмалжон Маҳмудалиев талаба ёшлар билан учрашди. Эътиборли жиҳати, унда Ўзбекистон Республикаси Олий Мажлиси Сенати Раиси Танзила Норбоева ҳам иштирок этди.

Меҳмонлар дастлаб талабалар томонидан яратилган янги инновацион лойиҳалар тақдимоти, тасвирий ва амалий санъат намуналари билан танишди. Учрашув аввалида сўз олган вилоят раҳбари айни пайтда Сирдарёда ёшларга яратилаётган имкониятлар, хусусан, олий ўқув юртларининг кўпайиб бораётганлиги ҳақида тўхталиб ўтди. Ёшларни билимли, касб-ҳунарли бўлишга чорлади.

–Сизлар ва сизлар орқали бошқа тенгдошларингиз тушунишини истардимки, сўнги йилларда мамлакатимизда ҳар бир соҳада туб ислоҳотлар амалга оширилди. Буни бутун дунё ҳам эътироф этяпти. Ҳаёт бор, камчилик ҳам бўлади. Уларни бирданига ҳал қилиб бўлмайди. Лекин битта нарса ёшлар билан олдимизга қўйган мақсадларга албатта эришамиз, – деди Акмалжон Махмудалиев.

[gallery-11221]

Шундан сўнг қизғин савол-жавоблар бошланиб кетди. Вилоят ҳокими ёшлар томонидан билдирилган барча таклиф ва ташаббусларни қўллаб-қувватлади, ўз муносабатини, фикр-мулоҳазаларини билдириб ўтди. Жумладан, 12 апрель космонавтика куни муносабати билан университет талабалари ўртасида технологик ишланмалар кўрик-танлови, апрель ойи мобайнида спортнинг оммавий турлари бўйича "Ҳоким ва ректор кубоги" мусобақасини ташкил этиш, шунингдек, талабалар томонидан ишланган тасвирий ва амалий санъат намуналари сотувини йўлга қўйишга келишиб олинди.

Ш.Суяров,

Ш.Ортиқбоев,(суратлар), ЎзА