Тил азалдан халқнинг миллий бойлиги бўлиб, унга эътибор – элга эътиборга тенглаштирилган. У миллатнинг кўзгуси вазифасини бажарган. Бугунги глобаллашув жараёни, ахборот технологиялари тараққиёти даврида тилнинг софлигини сақлаш, уни миллий бойлик сифатида асраб-авайлаш масаласи долзарб вазифага айланди.

Ўзбекистон Республикаси Вазирлар Маҳкамаси ҳузуридаги Терминология комиссияси томонидан давлат тилининг ифода имкониятларини кенгайтириш ва бегона лексик бирликлар таъсирини камайтиришга қаратилган навбатдаги тил сиёсати чора-тадбири доирасида 40 та ўзлаштирилган сўзга ўзбек тилидаги муқобил атамалар белгиланди.

Фанлар академияси, Алишер Навоий номидаги Тошкент давлат ўзбек тили ва адабиёти университети ва тил мутахассислари иштирокида ишлаб чиқилган ва омма билан муҳокама қилинган 40 та ўзбекча атама эндиликда расмий ҳужжатларга киритилади.

Бугунги лавҳамизда мазкур тил соҳасидаги ислоҳотлар, уларнинг замонавий фан, таълим, техника ва ижтимоий ҳаётдаги қўлланилишини оммалаштириш бўйича суҳбатлашдик.

<iframe width="560" height="315" src="https://www.youtube.com/embed/egAuoG3_WiY?si=3vC5jJGV0pBl6bWk" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳайё Турдалиева, Анвархўжа Аҳмедов, ЎзА