![](https://cdn.uza.uz/2021/03/18/13/49/57z0XeJlx9Z6ffWR7XLDzxCMPanDJxQw_normal.jpg)
Наврўз умумхалқ байрами муносабати билан бугун Жомбой туманидаги Қорақасмоқ отчопарида улоқ-кўпкари мусобақаси бўлиб ўтди.
Самарқанд вилояти ҳокимлиги ташаббуси билан ташкил этилган тадбирда юртимизнинг турли ҳудудларидан, шунингдек, Қозоғистон, Қирғизистон, Тожикистондан чавандозлар иштирок этди.
![](https://cdn.uza.uz/2021/03/18/13/49/4x09rPbfs6BajWI2N3cGYT6aeq3sWI7b_front.jpg)
Мусобақада чаққон, эпчил чавандоз ва полвонлар асосий совринлар — туя, той, тана, гилам ва кўплаб соврин ҳамда пул мукофотларини қўлга киритди.
Вилоят ҳокимлиги томонидан қўйилган бош соврин – “Cobalt” автомобили пайариқлик полвон Ихтиёр Толиповга насиб этди. У тошкентлик чавандоз Сарвар Умурзоқовнинг “Бодом” лақабли отида ушбу мукофотга сазовор бўлди.
![](https://cdn.uza.uz/2021/03/18/13/49/3VgBPAEiWWMX2Uew29BuyXYyq1ZJzyWh_front.jpg)
Ғ.ҲАСАНОВ, ЎзА