Самарқанд вилояти ҳокимининг собиқ ўринбосари Миллий гвардия вилоят бошқармаси бошлиғи бўлди
Ўзбекистон Республикаси Миллий гвардияси қўмондонининг буйруғига асосан Умаров Асқар Нарзиевич Миллий гвардиянинг Самарқанд вилояти бўйича бошқармаси бошлиғи лавозимига тайинланди.
А.Умаров 2020-2021 йилларда Самарқанд вилояти ҳокимининг ўринбосари – Маҳалла ва оилани қўллаб-қувватлаш бошқармаси бошлиғи вазифасида фаолият кўрсатган эди.
Бундан аввал эса ички ишлар идораларида масъул вазифаларда ишлаган, полковник унвонига эга.
Ғ.ҲАСАНОВ, ЎзА