Япониянинг Кобе шаҳри мезбонлигида ўтаётган пара енгил атлетика бўйича жаҳон чемпионатининг навбатдаги куни ҳам Ўзбекистон термаси учун қувончли бошланди.

Аёллар ўртасида Ф12 классида ядро улоқтириш дастурида стартга чиққан ҳамюртимиз Сафия Бурхонова 13.05 метр натижа қайд этган ҳолда олтин медалга сазовор бўлди. Сафия Бурхонова 2023 йил Парижда бўлиб ўтган жаҳон чемпионатида 13.72 метр натижа билан кумуш медаль ҳамда “Париж-2024” ёзги Паралимпия ўйинларига тўғридан-тўғри лицензияни қўлга киритган эди.  

Бугун 4 нафар пара атлетимиз жаҳон чемпионатида иштирок этади.  

Бугун мусобақада қуйидаги 3 нафар вакилимиз стартга чиқади:  

Нурхон Қурбонова – Ф54 найза улоқтириш (финал)  

Ёрқин Одилов – Ф57 ядро улоқтириш (финал)  

Асила Мирзаёров – Т11 узунликка сакраш (финал)  

 

Жавоҳир Тошхўжаев,  

ЎзА