Республикада биринчи бўлиб ТИҚХММИда бакалавр битирувчисига рақамли электрон диплом берилди
Вазиятга мувофиқ, пандемия шароитидан келиб чиққан ҳолда, Тошкент Ирригация ва қишлоқ хўжалигини механизациялаш муҳандислари институтида «Битирувчи-2020» онлайн тадбири ўтказилди.
Вазиятга мувофиқ, пандемия шароитидан келиб чиққан ҳолда, Тошкент Ирригация ва қишлоқ хўжалигини механизациялаш муҳандислари институтида «Битирувчи-2020» онлайн тадбири ўтказилди.
Тадбирни барча битирувчилар қатори уларнинг ота-оналари ҳам кузатиб боришди. «Битирувчи-2020» онлайн тадбири ZOOM платформаси орқали Ёшлар билан ишлаш бўйича проректор Р.Чориев модераторлигида амалга оширилди. Сўнгра Р. Чориев тадбирни оча туриб, битирувчиларни табриклашлари учун институт ректорига сўз берди. Ректор, профессор Умрзоқов Ўктам Пардаевич мустақил ҳаётга қадам қўяётган барча битирувчиларни самимий табриклади. Бакалавр дипломининг янги шакли QR кодли диплом бериш йўлга қўйилгани ва республикада биринчи бўлиб QR кодли В № 00000001 рақамли диплом институтимиз битирувчисига берилгани қувонч билан эътироф этилди.
Иш берувчи ташкилотлар номидан Ўзбекистон Республикаси «Давергеодезкадастр» Қўмитаси раиси Ҳабибулло Тўрахўжаев, Олий ва ўрта махсус таълим вазири ўринбосари Узоқбой Бегимқулов, Ўзбекистон Республикаси Сув хўжалиги вазири ўринбосари Воҳиджон Аҳмаджонов, «Ўзсувқурилиш» Акциядорлик Жамияти бошқаруви раиси Рустам Умаров ўзларининг табрикларини изҳор қила туриб, бугунги кунда жаҳоншумул муаммога айланган сув масаласи ниҳоятда долзарблиги битирувчиларимизнинг ҳам зиммасига улкан масъулият юклашини эътироф этишди.
Шунингдек, иш берувчи бошқа ташкилотлар номидан «Гидропроект» Акциядорлик жамияти директори Алибек Аҳмедов, Ўздаверлойиҳа Давлат Илмий Лойиҳа Институти Бош директори Руҳиддин Тўраев касб масъулияти ва соҳа мажбурияти хусусида сўз юритиб, барча битирувчиларни чин дилдан олқишлади. Тадбирда Ўзбекистон ёзувчилар уюшмасининг аъзоси, Ўзбекистонда хизмат кўрсатган маданият ходими, истеъдодли шоир Бобур Бобомуроднинг битирувчиларга аталган бағишлов шеърларидан ўқиб бериши даврага файз қўшди.
Раҳимбой ЖУМАНИЁЗОВ, Тошкент Ирригация ва қишлоқ
хўжалигини механизациялаш муҳандислари институти Матбуот хизмати раҳбари