Нукус шаҳридаги 55-умумтаълим мактабида “Рақамли авлод қизлари” республика танловининг янги мавсуми олдидан маҳорат дарслари ташкил этилди. Унда соҳага қизиқувчи қизлар лойиҳалар ишлаб чиқиш, стартаплар устида ишлаш ҳамда бозорга киритиш каби йўналишларда тажриба орттирди.

Тадбирда жорий йилда “Рақамли авлод қизлари” танловида ғолиб бўлган Нукус давлат педагогика институти талабаси Алфия Омонгелдиева сўзга чиқиб, ўз таклиф ва маслаҳатлари билан ўртоқлашди.

Маълумот ўрнида айтиб ўтиш керак, мазкур таълим масканида “Рақамли авлод” ўқув маркази фаолият юритаётган бўлиб, бу ерда “Ахборот технологиялари”, “Мехатроника тизими”, “Дастурлаш ва ишга тушириш”, “Компьютер тизимлари ва комплексларга техник хизмат кўрсатиш ва таъмирлаш” (АКТ техник), “График дизайн”, “3D моделлаштириш”, “Фото ва видео билан ишлаш” (Видеографика) йўналишлари бўйича амалий ва назарий билимларга асосланган касбий тайёрлов курслари ташкил этилган.

[gallery-26081]

Бугун танловнинг биринчи босқичига старт берилди. Унда иштирок этиш учун 92 минг нафардан зиёд қиз ариза топширган.

<iframe width="640" height="420" src="https://www.youtube.com/embed/HAg3Gexpzio" title="“Raqamli avlod qizlari” tanloviga start berildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мақсад ҲАБИБУЛЛАЕВ (сурат, видео), ЎзА