Ўзбекистон Республикаси мудофаасига кўмаклашувчи “Ватанпарвар” ташкилоти, Туризм қўмитаси, Қорақалпоғистон Республикаси Жўқорғи Кенгеси ва Вазирлар Кенгаши томонидан 23-25 май кунлари Мўйноқ туманида “Rally Muynak – 2025” авторалли бўйича Ўзбекистон чемпионати ўтказилади.

Мамлакатимизнинг турли бурчакларидан ва хориждан келган спортчилар икки тоифадаги автомобилларда – двигател ҳажми 1600 см3гача “А-8” ва двигател ҳажми 2000 см3гача “А-9” синфлари бўйича беллашадилар. Шунингдек, двигател ҳажми 2000 см3гача “Багги” ва двигател ҳажми 125 см3гача ва 500 см3гача мотоцикллар бўйича мусобақалар ҳам ташкил этилади.

Уч кун давом этадиган ушбу нуфузли мусобақада 120 нафардан ортиқ автомотоспорт устаси, шундан 40 тадан ортиқ автомобил, 25 тадан зиёд мотоцикл ва 15 тадан ортиқ “Багги” иштирок этиши кутилмоқда.

<iframe width="650" height="420" src="https://www.youtube.com/embed/xEiW01I6zZs" title="“Rally Muynak – 2025” O‘zbekiston chempionati o‘tkaziladi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Довуд Абибуллаев, ЎзА мухбири