Тошкент вилоятининг Юқори Чирчиқ тумани пойтахтга яқинлиги ва экин майдонлари серҳосиллиги билан қишлоқ хўжалиги ва озиқ-овқат маҳсулотларини етиштириш учун қулай ҳисобланади. Яна бир қулайлиги экин майдонлари йўл бўйларида жойлашганлиги туфайли деҳқонлар учун даладан харидоргача, сифатини бузмай етказиб бериш имкони бор.

Айниқса боғ қатор ораларига экилган қишлоқ хўжалиги маҳсулотларининг деҳқонга бир қанча устун тарафлари бор. Бир тарафдан боғлар яхши озиқланади, иккинчи тарафдан олинган мўл ҳосил деҳқонга бу қўшимча даромад ҳамдир. Қулупнай мавсумининг бориши ва самараси ҳақида билиш учун йўл-йўлакай дала меҳнаткашлари билан суҳбатлашдик.  

- Айтингчи бу йил қулупнайнинг ҳосилдорлиги қандай ва мавсум қачон якунланади?  

- Беҳи боғининг орасига қулупнай экдик, – дейди ижарачи Тўлқинжон Ражабалиев. - Биз ҳам фойдаланяпмиз, кўчатлар ҳам сув ичяпти. Ҳамкорликда фойдаланганимиз учун солиқлардан ҳам енгиллик бор. Ҳозир қулупнай тугаш арафасида. Олдинги йилларда мана шу даврларда энди мавсум бошланган бўларди. Бу йил бир хафта олдин пишиб-етилди. Олдинги йилларга қараганда даромад бу йил яхши бўлди.

<iframe width="650" height="420" src="https://www.youtube.com/embed/P0Ld9E4YVMk" title="Қулупнай мавсуми якунландими?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Санжар Тошпўлатов, Аслиддин Алижонов, Анвар Аҳмедов, ЎзА