Қироллик “рус пули”ни Украинага бермоқчи
Бош вазир Кир Стармер НАТО саммитида Киев байроғини кўтаришга интилаётган бир пайт Буюк Британия Украинанинг ҳаво мудофаасини юзлаб ракета билан кучайтиришга ваъда берди.
"Politico" нашри маълум қилишича, 350 дона АСРААМ ҳаво ҳужумидан мудофаа ракетаси учун РФнинг мусодара қилинган маблағи ҳисобидан 70 миллион фунт стерлинг тўланади.
Гаагада ҳукумат раҳбари шундай деган:
– Путин бошлаган уруш учун Украина эмас, Россия ҳақ тўлаши керак. Шунинг учун биз РФдан тушган пулни Украинага ишлатамиз.
Владимир Зеленский Лондонда Қирол Чарльз ва Стармер билан учрашгач, кўп ўтмай НАТО йиғилишига келди. Яқин Шарқдаги кескинлик РФ-Украина зиддияти мавзусига соя солиб турган бир пайт бу жуфтлик жамоатчиликдан Киевни қўллаб-қувватлашни сўради.
Мусулмон Зиё, ЎзА