Қирғизистонда республика миллий байроғидаги рамзларни ўзгартириш эҳтимоли тўғрисидаги масала кўтарилиши мумкин. Ушбу ташаббусни парламент йиғилишида депутат Улан Примов киритди.

“Байроқдаги нур шаклини ўзгартиришни таклиф қиламан, қуёш нури тик тушмоғи керак”, деган у.

Ноибни спикер Нурланбек Шакиев ҳам қўллади.

Қирғизистон парламентидаги манбалар “ТАСС”га айтишича, ҳозир мазкур масала бўйича тегишли қонун лойиҳаси устида бошланган иш кейинчалик умумхалқ муҳокамасига олиб чиқилади.

1992 йил 2 март куни парламентда тасдиқланган Қирғизистоннинг амалдаги миллий байроғини ўзгартириш тўғрисида масала шу пайтгача кўтарилмаган.