А-373 “М-39 а/й Гулистон-Бўка-Ангрен-Қўқон-Андижон орқали-Ўш” автомобиль йўлининг Қамчиқ довонидан ўтган қисми 181-248 километрлар оралиғида қор ёғмоқда.

Қор ёғиб турган пайтда довонда транспорт воситаларининг бетўхтов икки томонлама ҳаракатланишини таъминлаш учун "Қамчиқавтойўл" ИЙФУК томонидан йўл қопламасида сирпанчиқ бўлмаслигини олдини олиш мақсадида туну-кун йўлларга қум-туз аралашмаси сепилиб, йўллар қордан тозаланмоқда.  

Транспорт воситалари икки томонлама хавфсиз ҳаракатланмоқда. Йўлларда кўриниш 1000 метрни, ҳаво ҳарорати -4 даража, намлик 72 фоизни ташкил этмоқда. Шамол тезлиги 2-5 м/с. Шунингдек, Тошкент вилоятининг Ангрен шаҳри ва Бўстонлиқ туманларида ҳам қор ёғмоқда. Ҳудудда ҳаракатланаётган ҳайдовчилардан барча хавфсизлик чораларини кўришлари тавсия қилинади.  

<iframe width="455" height="809" src="https://www.youtube.com/embed/GBbMCu0npsM" title="Қамчиқ довонида қор ёғмоқда" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

А.Мусаев,ЎзА.