А-373 автомобиль йўлининг “Қамчиқ” довонида вақти-вақти билан кучсиз қор ёғмоқда. Бу ҳақда “Қамчиқавтойўл” ихтисослаштирилган йўллардан фойдаланиш унитар корхонаси ЎзАга хабар берди.

Ўзбекистон Республикаси Гидрометеорология хизмати марказининг маълумотида 12-14 декабрь кунлари республикамизда ҳаво ҳарорати кескин пасайиб, ёғингарчиликлар бўлиши айтиб ўтилган эди. 

Хусусан, 12 декабрь куни кечки соат 20:00 дан бошлаб довонда вақти-вақти билан қор ёғиши бошланган. Айни вақтда ҳам ёғингарчилик бўлиб турибди. Йўлларнинг кўриниши 800 метрни ташкил қилмоқда, ҳаво ҳарорати 3 даража совуқ. Довон йўлларида автомашиналарнинг хавфсиз ҳаракатланиши таъминланган. "Қамчиқавтойўл" ихтисослаштирилган йўллардан фойдаланиш унитар корхонаси томонидан довон йўллари қордан мунтазам равишда тозаланмоқда.

 

А.Мусаев, ЎзА