АҚШнинг Калифорния штатида жойлашган “Fantasy Springs Resort Casino” мажмуасида ўтказилган профессионал бокс оқшомида ҳамюртимиз Руслан Абдуллаев жанг ўтказди.

Руслан Абдуллаев ўзининг профессионал боксдаги учинчи жангида америкалик Кевин Жонсонга қарши саккиз раундлик жангда рингга кўтарилди. Тўлиқ давом этган жангда Абдуллаев тажрибали рақибини ҳакамларнинг якдил қарори билан очколар ҳисобига кўра, мағлубиятга учратди.  

Айтиш лозим, америкалик 32 ёшли Жонсон бугунгача 20 та жанг ўтказган бўлиб, фаолиятидаги саккизинчи мағлубиятини қабул қилиб олди. Ҳисобидаги ғалабалари сони 12 талигича қолди. У фаолиятидаги илк мағлубиятини 2018 йил июль ойида ҳамюртимиз, Олимпия ўйинлари ғолиби Фазлиддин Ғоибназаровдан қабул қилиб олганди.  

Ҳаваскор боксда жаҳон чемпиони ҳисобланган Руслан Абдуллаев эса бугун профессионал боксда учинчи жангини ўтказди.  

Т. Рўзиев, ЎзА