Бугун, 20 апрель куни АҚШнинг Калифорния штати Оушенсайд шаҳрида ўтказилган профессионал бокс оқшомида ҳамюртимиз Руслан Абдуллаев филиппинлик Жино Родриго билан 8 раундлик жанг ўтказди.

Ҳаваскор бокс бўйича қитъа ва жаҳон чемпионлигига эришган, 2021 йили Ўзбекистоннинг энг яхши боксчиси сифатида “Руфат Рисқиев кубоги” соҳиби бўлган Руслан Абдуллаев жангни тўлиқ ўз назоратида ўтказди. Баҳснинг 5-раундида Абдуллаев рақибини нокдаун ҳолатига келтирди.

Тўлиқ давом этган жангда ҳакамларнинг баҳолашига кўра, ҳамюртимиз 80-71, 80-71, 80-71  ҳисобларида муваффақиятга эришди ва  профессионал боксдаги иккинчи жангидаёқ “WBA Continental” камари соҳиби бўлди.

Т. Рўзиев, ЎзА