Президент Японияда қаҳрамонлик кўрсатган чемпионларимиз номини бирма-бир тилга олди
Президент Шавкат Мирзиёев иккинчи бор ўтказилаётган Президент Олимпиадасининг очилиш маросимида иштирок этмоқда.
Японияда ўтган XX ёзги Осиё ўйинларида Ўзбекистон терма жамоаси 21 та олтин, 25 та кумуш ва 24 та бронза – жами 70 та медаль билан умумжамоа ҳисобида бешинчи ўринни эгаллади.
Оғир атлетикачи Акбар Жўраев даст кўтаришда 197 килограмм натижа қайд этиб, жаҳон рекордини янгилади. Боксчи Абдумалик Халоков, енгил атлетикачи Шарифа Давронова икки карра, бадиий гимнастикачи Тахмина Икромова эса уч карра чемпион бўлди.
Дзюдочи Музаффар Тўрабоев финалда мусобақа мезбони вакилини енгиб, олтин медални қўлга киритди. Ўткир Жўраев спорт гимнастикасининг таяниб сакраш йўналишида юртимизнинг Осиё ўйинларидаги илк олтин медалини олиб келди.
Президентимиз бундай натижалар ҳар қандай маррага эришиш мумкинлигига ишонч уйғотишини қайд этди.
ЎзА
