Полина Кудерметова “Canberra Challenger”да совриндор бўлди
Бутунжаҳон аёллар теннис уюшмаси томонидан Австралияда ўтказилган “Canberra Challenger” халқаро турнирида Ўзбекистон терма жамоаси аъзоси Полина Кудерметова вице-чемпионга айланди.
Полина яккалик беллашувлари асосий тўридан ўрин олган финал баҳсида бош соврин учун Тайвань шарафини ҳимоя қилган Йоханна Гарландга қарши кортга чиқди. Ушбу учрашувда ёш теннисчимизга бироз омад етишмади ва имкониятни бой бериб қўйди.
Шу тариқа, П.Кудерметова “Canberra Challenger” халқаро турнирининг вице-чемпионига айланди ва 19 минг 700 АШҚ доллари пул мукофоти ва WTA рейтингининг 81 очкосига эга чиқди. Йоханна эса чемпион сифатида 33 минг 650 АҚШ доллари ва 125 очко қўлга киритди.
Жавоҳир Тошхўжаев, ЎзА
