Китоб ва китобхонлик инсонлар онг-тафаккурини теранлаштириб, қалбига энг гўзал эзгу ниятларни жойлайдиган, уларни яхшиликлар оламига етаклайдиган маънавият сарчашмасидир. Шунинг учун ҳар доим китоб ўқишга эҳтиёжимиз бор.

Баъзан одам моддий манфаатлар, замон янгиликлари, интернет тизими ичра куни ва туни қандай ўтганини ҳам билмай қолади. Кўнгил бир оғиз ширин сўз, бир таскин, малҳам истайди. Шундай пайтда биз, албатта, китоб варақлашга тушамиз. Кўнглимизга ёққан шеърми, ҳикоями – хоҳ у қатра бўлсин ёки салмоқли қисса ва романми – ўқий бошлаймиз. Нафақат ўқиймиз, балки асардаги воқеалар ривожига кириб кетамиз ва ўша ерда яшаймиз...   

Ана шундай кўнгилларни забт этиши мумкин бўлган асарлардан бири Маҳмуд Қозоқбоев домланинг ўткир сюжетли "Ўзбекхон" романининг тақдимоти Алишер Навоий номидаги Ўзбекистон Миллий кутубхонасида бўлиб ўтди.   

Тақдимотда ёзувчилар, шоирлар, жамоат фаоллари ва оммавий ахборот воситалари вакиллари қатнашишди. Тарихий сюжетларга бой бўлган "Ўзбекхон" романи ҳам ўқувчилар қалбидан жой олишига ишонамиз.   

<iframe width="640" height="420" src="https://www.youtube.com/embed/lnG1_iHYdzA" title="“Oʻzbekxon” romanining taqdimoti oʻtkazildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, Н. Абдувоитов (видео), ЎзА