Ўзбекистонда ахборот технологиялари соҳасини ривожлантириш, ёшларни халқаро IT майдонга олиб чиқиш мақсадида хорижий компаниялар билан ҳамкорлик ишлари жадал суратларда олиб борилмоқда.

Рақамли технологиялар вазирлиги мутахассислари хориждаги энг нуфузли тадбирларда ўз лойиҳалари билан иштирок этмоқда.

Нью-Йоркда бўлиб ўтган «Uzbekistan Outsourcing Conference» тадбири 372 та оммавий ахборот воситасида жумладан, news.yahoo.com, finchannel.co.za, moderndiplomacy.eu, apnews.com ва www.outsourceaccelerator.com каби таниқли интернет нашрларида ёритилди.  

"Марказий Осиёдаги энг йирик технопарклардан бири IT-Парк Ўзбекистоннинг IT ва аутсорсинг саноати ривожланишига етакчилик қилмоқда.  

Мамлакатнинг IT экспорти 2023 йилда 344 миллион долларга кўтарилди ва чет эл капитали иштирокидаги IT-Парк аҳолиси сони икки йил ичида деярли 20 баравар ошди.  

Ўзбекистон IT аутсорсинг бўйича етакчи глобал марказ сифатида ўзини намоён қилиш учун сезиларли туртки бермоқда», – дея алоҳида таъкидлаб ўтилган халқаро ОАВ нашрларида.  

 

Н.Раҳмонова, ЎзА