Ўзбекистон ва Буюк Британия таълим соҳасида ҳамкорлик қилмоқда
Президент таълим муассасалари агентлигида Ўзбекистоннинг Буюк Британия ва Шимолий Ирландия Бирлашган Қироллигидаги Фавқулодда ва мухтор элчиси Саид Рустамов билан учрашув бўлиб ўтди.
Тадбирда Буюк Британиянинг “Portsmut” ва “Nottingham Trent” университетлари билан икки томонлама имзоланган меморандумлар ҳусусида сўз борди.
Ушбу келишувлар агентлик томонидан ташкил этилган “Янги Ўзбекистон таълими: ислоҳотлар йўлида муваффақиятли ҳамкорлик” халқаро форуми доирасида амалга оширилган бўлиб, ўқувчилар алмашинуви ва ўқитувчилар учун малака ошириш дастурини ўз ичига олади.
Учрашувда, шунингдек, таълим тизимида биргаликда қўшма тадқиқот олиб бориш масаласи ҳам муҳокама қилинди. Элчига ташкилот фаолияти ва агентлик тизимидаги таълим муассасалари ҳақида маълумот берилди.
ЎзА