Марказий Осиё давлатлари раҳбарларининг саммити олдидан Ўзбекистон Президенти Шавкат Мирзиёев, Қозоғистон Президенти Қасим-Жомарт Тоқаев ва Қирғизистон Президенти Садир Жапаровнинг норасмий учрашуви бўлиб ўтди.

Давлат раҳбарлари биргаликда «Номад» маданият марказига бордилар. Ҳунармандчилик буюмлари кўргазмаси кўздан кечирилди. Сўнг кўчманчилар ўйинлари намойиш этилди.

Марказий Осиё халқлари куй-қўшиқларидан тузилган концерт дастурида элларимиз бирлиги, маданий яқинлиги намоён бўлди.