Чоравачилик соҳасига Хитой инвестицияси жалб қилинади. Бу ҳақда Ўзбекистон Республикаси Бош вазири Абдулла Арипов бошчилигидаги юртимиз делегациясининг Хитой Халқ Республикасига ташрифи чоғидаги музокараларда маълум қилинди.

Ветеринария ва чорвачиликни ривожлантириш қўмитаси раиси Баҳром Норқобилов ва Хитойнинг Hualing Group компанияси бош директори Ми Эн Хуа ўртасида бўлиб ўтган музокаралар давомида мамлакатимизда ҳамкорликдаги чорвачилик комплексини ташкил этиш лойиҳаси муҳокама қилинди.

Мулоқот якунида Ветеринария ва чорвачиликни ривожлантириш қўмитаси ҳамда Hualingcattleindustrygroupco.ltd компанияси ўртасида чорвачилик соҳасида инвестиция лойиҳасини амалга ошириш бўйича англашув меморандуми имзоланди.

Томонлар лойиҳани амалга ошириш бўйича чора-тадбирлар режасини маъқуллади.

Икром Аввалбоев, ЎзА