Ўзбекистон Бош вазири Абдулла Арипов Афғонистонга борди. Бу ҳақда “Ariana News” нашри хабар берди.

Қайд этилишича, Кобул аэропортида Абдулла Ариповни “Толибон” муваққат ҳукумати бош вазирининг маъмурий масалалар бўйича ўринбосари Абдул-Салом Ҳанафий ва саноат ва савдо вазири вазифасини бажарувчи Нуруддин Азизий кутиб олган. 

Делегация бугун, 17 август куни Афғонистон пойтахти Қобулда бўлиб ўтадиган Ўзбекистон маҳсулотлари кўргазмасининг очилиши ҳамда бизнес анжуманида иштирок этиши режалаштирилган. 

Ў.Алимов, ЎзА