Ҳозирги “Ўзбекдавлатцирк” давлат муассасаси илк бор 1920 йилда Тошкент давлат цирки номи билан иш бошлаган. Ўша даврларда ярим профессионал цирк ташкил этилиб, иқтидорлилар саралаб олинган. Тошкент давлат сайёр цирк труппаси тузилгач Карим Зарипов раҳбар этиб тайинланган.

Орадан йиллар ўтиб ниҳоят ўзбек цирк катта саҳнасига чавандозлар сулоласи – Зариповлар оиласи чиқди. Ушбу сулола вакиллари ўзбек цирк тарихини ёрқин саҳифалар билан бойитиб, узоқ йиллар бой тажрибаларини ёш авлодга, шогирдларига ўргатиб келмоқда.

<iframe width="650" height="420" src="https://www.youtube.com/embed/CjqSHWz051M" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

Ҳозирги кунда фойдаланиб келинаётган цирк биноси 1976 йилда фойдаланишга топширилиб, «Ўзбекцирк» Республика бирлашмаси дея қайта номланди. Ҳозирги кунда “Ўзбекдавлатцирк” давлат муассасасида акробатика, гимнастика, эквилибристика, масхарабозлик, жанглёрлик, полвонлик, иллиюзионизм, от ўйинлари, дорбозлик, ҳайвон ўргатиш каби жанрларда мураккаб трюклар намойиш этиб келинмоқда.

Мустақиллик шарофати билан ўзбек цирки халқаро цирк майдонларига чиқишга муваффақ бўлди. Ҳусусан шу кунга қадар вакилларимиз Европа, Осиё ва Африка қитъасининг кўплаб давлатларида ўз истеъдодларини намойиш этиб келмоқда.

Н. АБДУВОИТОВ (видео), ЎзА